AFFIES VS MARITZBURG COLLEGE 29 JULIE 2017

Sedert 1996 speel die twee skole elke jaar teen mekaar. Die drie keer wat MC gewen het was elke keer op hulle tuisveld. Vir die uitslae teen MC sedert 1996 kyk hier.

Uitslae van ander wedstryde gespeel vandag verskyn hier. Alhoewel ek nie al die tellings kon bevestig nie het ek bevestiging dat Affies al die wedstryde gewen het.

 Soos reeds bekend is die volgende spelers beseer en sal nie die seisoen verder speel nie - Michael de Waal, Johan Mulder, Dewald Donald en Carel Els.

​SPAN:
1. Wiehan Bezuidenhout
2. Johan van Zyl (k)
3. James Combrinck
4. Mica Ruthven
5. Jaco Labuschagne
6. Janco Uys
7. Divhan du Preez
8. Philip Potgieter
9. Steyn vd Spuy
10. Regardt Roets
11.Ruben Meiring
12. Zach Briel
13. Marnus Potgieter
14. Ruan Wasserman
15. Ruan van Tonder

WEDSTRYD
Gereed vir die wedstryd om te begin sit ek voor die TV met my skryfpapier en maak die volgende nota. Ons speel ten minste van Suid na Noord wat ‘n goeie teken is. Affies wen meeste van die tyd tuis as hulle van Suid na Noord in die 1e helfte speel. Hoekom? Die wind waai gewoonlik uit die Noord-Westlike hoek en as jy op die veld staan dan lyk dit of die veld afdraande is van Noord na Suid.

Met die verloor teen Kloof in die agterkop het die 1e helfte die meeste ondersteuners nie met ‘n warm gevoel gelaat nie. Soveel meer met die telling halftyd 5-10 in MC se guns.

Toe speel ons afdraande in die 2e helfte en draai ‘n agterstand in die 1e helfte om in ‘n oortuigende oorwinning in die 2e helfte. Die telling vlei MC en kon heelwat groter gewees het. 

‘n Paar spelers het uitgestaan vandag en geluk aan Regardt Roets wat welverdiend die toekenning ontvang as die speler van die wedstryd. Johan van Zyl was ‘n kortkop agter hom. Johan het een van die twee hakers in die SA skole span vandag ‘n punt of twee gewys.

So kom  ook die laaste rugby wedstryd op Affies se velde  vir die Graad 12’s van 2017 tot ‘n einde. Heel gepas is al die oopspan wedstryde vandag op Affies gespeel. Ouers en Graad 12 seuns het soos gewoonte rond gedorrel op die veld na die 1e span wedstryd. Die een selfie na die ander is geneem en glo ek het ‘n traan of twee gerol!!

PLAASVERVANGERS
Heinrich Bisschoff
 
PUNTE

​AHS 40 (5)
Driee:  Johan van Zyl 2x, Zach Briel, Marnus Potgieter, Ruan Wasserman, James Combrinck.
Skoppe:  Regardt Roets - 5x Doelskoppe

MC 25 (10)

1e Span statistiek vir die seisoen tot op datum kan hier gesien word.

ANDER UITSLAE OP DIE A VELD
2e – Wen 22/14
3e – Wen 32/12
4e – Wen 57/14
o/16A – Wen 47/5
o/15A – Wen 45/14
0/14A – Wen 41/0

***************************************************************************************************