AFFIES SKEPSKOP SPESIALISTE

AGTERGROND

• In die 20’s het die Afrikaanse media daarna verwys as ‘n “valskop”.
• Vanaf 1891 tot 1948 was ‘n skepskop 4 punte werd. Vanaf 1949 is dit 3 punte werd.
• 1923 Is die eerste jaar wat AHS en PBHS se 1e spanne teen mekaar speel. Affies verloor die Administrateurs Beker wedstryd teen PBHS met ‘n “valskop” reg teen die einde. Telling 3 – 4.
• Skepskoppe het al minder belangrik geraak sedert Jannie de Beer in die Wêreldbeker van 1999 teen Engeland die wedstryd met 5 skepskoppe gewen het. Deesdae word ‘n skepskop net geskop as ‘n speler weet dat as hy dit mis sy span buitendien ‘n strafskop gaan kry.
• Om die Affie skepskop spesialiste te bepaal was nie te moeilik nie. Twee spelers naamlik Johan Geringer (1969/70) en Pierre Potgieter (1983/84/85) se aantal skepskoppe sal nie weer in die geskiedenis van Affie rugby oortref word nie.  

JOHAN GERINGER

• Johan of meer bekend as Geries het losskakel gespeel.
• Lid van die o/13, 14 en 15A spanne van 1966 - 1968.
  • 1966,67 en 68, NTvl  A-liga wenners.
  • In die 3 jaar verloor die span slegs 1 wedstryd in 1967 teen Grey College.

• 1969 - 1e Span
• 1970 - 1e Span
  • Wen die Admin. Beker teen Heidelberg Volkskool
  • NTvl Craven Week
  • Teken 179 punte in die 1970 seisoen aan wat die 13e meeste is op die lys van alle tye.
• In die twee jaar wat Johan vir die 1e span speel teken hy 282 punte aan. Dit plaas hom 8e op die lys van alle tye van punte aangeteken vir die 1e span 
• Geries was ‘n veelsydige sportman en het op skool provinsiale kleure verwerf vir rugby (CW), atletiek en sagtebal. Geries speel ook vir die Pretoria Afrikaanse skole krieketspan.
• Geries kon met albei voete skop en ook met albei voete skepskop.
• Geries se skop prestasies is behaal in die tyd toe spelers die bal pale toe geskop het met die voorpunt van hulle toks.
• In die vroeër jare was daar nie o/16 spanne nie. Geries is ‘n jaar te vroeg skool toe gestuur en kon nie vir die 1e span speel in 1968 nie. In 1968 skop Johan 3 skepskoppe oor in die o/15A wedstryd teen Menlopark.
• Geries se seun Johann het in 1990, 91 en 92 vir die 1e span gespeel.
• Geries is in November 2013 oorlede.
• Skepskop statistiek vir die 1e span.
  1969                9
  1970                7
  Totaal            16

PIERRE POTGIETER

• Pierre het losskakel gespeel.

• 1983 -1e Span

• 1984 -1e Span
  • Pierre sit 3 skepskoppe oor in die wedstryd teen Verwoerdburg.
  • Deel die Admin. Beker met Monument
  • Teken 180 punte aan (11e meeste punte van alle tye in ‘n seisoen)
  • Teken 22 punte aan in die wedstryd teen Menlopark wat Affies 25 – 22 wen.
• 1985 -1e Span
  • Kaptein
  • Wen die Admin. Beker teen Hugenote Springs
  • Teken 158 punte aan (15e meeste punte van alle tye in ‘n seisoen) 
  • In die drie jaar wat Pierre vir die 1e span speel teken hy 351 punte aan. Dit plaas hom 4e op die lys van alle tye van punte aangeteken vir die 1e span.
• Pierre het 50 wedstryde vir die 1e span gespeel.
• Pierre se broer Christo het in 1988, 89 en 90 vir die 1e span gespeel.
• Pierre en sy broer Christo is die enigste twee broers wat 3 jaar vir die 1e span speel.
• Pierre is in Februarie 2014 oorlede in Nieu Seeland.
• Skepskop statistiek vir die 1e span.
  1983               Onbekend
  1984                7
  1985                5
  Totaal            12