TRADISIES
- Gelukbringer – Lyk nie of dit deur die jare iets baie spesiaals was nie. Daar is slegs ’n paar jare wat daar wel so iets op die spanfoto’s verskyn naamlik: 1948,49,61,62 en 63 - Was daar ’n beertjie op die spanfoto 1959 – Was daar ’n haas op die spanfoto
- Wit Bulle - Die term „Wit Bulle“ het in 1985 gestalte gekry, „Witbulle ons laaik julle“ het gevolg en met die Wit Bul wat lewensgroot by die tuiswedstryd teen Waterkloof in 1998 arriveer.
Die Wit Bul (Blou/grys vanaf Loftus) het ’n geskiedenis. Johann van Graan en Johnny van Deventer het die Bul in 1998 die Vrydag voor die Waterkloof wedstryd gaan „leen“ by Loftus? Daarna het Johann, Johnny en Ryan Adams die Bul met kalk geverf en die volgende dag met die 47 -8 wen teen Waterkloof was dit die Bul se eerste wedstryd. Sien die foto hiernaas met die pote wit van die kalk.
Die Bul het toe agter die krieketnette gestaan en met die Rugby Festival by AHS in Julie 1998 het hy verdwyn. Daar was ‘n sterk moontlikheid dat seuns van Waterkloof dit „verwyder“ het. Johann, Johnny, Kruger van Wyk en Edward Janse van Rensburg is toe Waterkloof toe. Na ‘n lang gesoek het hulle niks gekry nie. Hulle het ‘n werker ‘n „iets“ aangebied as hy hulle sou wys waar die Bul is. Hy het hulle toe gewys en siedaar agter die Waterkloof paviljoen, agter ‘n hoë muur. Hulle vier het toe die Bul regdeur die Waterkloof trompoppies wat besig was om te oefen gedra en op Edward se bakkie gelaai terug AHS toe. Die Bul se horings was afgesaag en was minus van sy onderdele!! Die Bul is toe gestoor agter Mnr vd Walt se huis. Jacques le Grange het die Bul reggemaak en hom oorgeverf.
Met die Beeld Finaal teen Waterkloof op AHS se veld in 1998 het die Bul toe weer sy verskyning gemaak. In 1999 met die „5 In ’n Ry Funksie“ het Barend van Graan van die Blou Bulle dit amptelik aan die skool geskenk.
Die Wit Bul het sederdien ’n instelling geraak by elke tuiswedstryd.
- Dit was ’n ongeskrewe reël dat as die Kaptein die lood wen met ’n tuiswedstryd dan speel Affies die 1e helfte van Suid na Noord ongeag of die wind waai of nie. Die 2e helfte is dit afdraande en saam met die son. Kyk maar hoe loop die A veld en hoeveel keer waai die wind Noord/Noord-Wes. Verloor teen Boys High in 2008 op ons tuisveld want ons het in die 2e helfte van Suid na Noord gespeel?
- Die sing van Affie Boys, Die Skoollied en die Kreet na elke wedstryd bly spesiaal.
- Skoollied sedert 1985?
- Affie Boys sedert 1990?
- Tot met die verandering aan die skoolsaal het die 1e Span opgewarm aan die Ooste kant van die Skoolsaal en bymekaar gekom voor die wedstryd op die paviljoen waar die Rugby OndersteunersKlubhuis sedert 2004 funksioneer..