AFFIES VS KES - OPGEDATEER

Dit was die 8ste keer wat die 2 skole teen mekaar speel .

Vir die tellings per jaar sedert 1997 - 2016 kyk hier.

SPAN
15. Christian Strydom
14. Carel Koch
13. Marnus Potgieter
12. Louritz van der Schyff
11. Ruben Meiring
10. Ruan de Swardt
  9. Jack Hart
  8. Jaco Labuschagne
  7. Phillip Krause
  6. Desesde Nel
  5. Henk Pretorius
  4. Dylan du Preez
  3. Arno van Wyk
  2. Schalk Erasmus (kapt)
  1. Cabous Eloff

WESDTRYD
Regardt du Plessis het nie gespeel nie na sy "hamstring" besering teen Grey. Christian Strydom skuif van vleuel na heelagter en geluk aan Ruben Meiring wat vir die eerste keer in die beginspan is op vleuel.

Na die verloor teen Paarl Boys en Grey was vandag 'n 'n waterskeiding wedstryd van die 2016 seisoen. Dit was letterlik en figuurlik so gewees.

Eerstens die weer en die gepaardgaande reen. Dit het vandat ek daar aangekom het net na 08:00 aan en af gereen. Die wind het gewaai en dit was nat en koud. Ek het op 'n stadium gevoel dat die wedstryde net moet klaarkom. Wen of verloor dat ek net kan huistoe gaan. Tellings op die dag is geen aandudiding van die spel wat gelewer is nie maar meer 'n refleksie van die omstandighede.

Uiteindelik was dit die 1e span se beurt. Met geen onderdak sitplek langs die veld nie was dit seker een van die 1e span wedstryde met die minste toeskouers wat ek nog bygewoon het. Sien die foto van die span na die wedstryd en van die ondersteuners op die paviljoen.

Wat gevolg het sal nog lank onthou word deur die wat daar was. Gegewe die ongewone omstandighede speel die Witbulle teksboek rugby en druk 9 driee. Sewe van die driee deur die agterspelers Ek sonder nie graag spelers uit nie maar met die natveld in gedagte was Christian Strydom op heelagter uitstaande en Ruan de Swardt se 8/9 vervyfskoppe voortreflik.

Ek kon nie bly tot die einde nie en moes met die telling op 40 - 7 die pad vat OR Tambo toe. Ek ry by KES weg met 'n warm gevoel. Lekker warm lugreeling en wetend dat die 2016 span die vorige twee wedstryde agter hulle gesit het!!!

Geluk aan die afrigters en die spelers wat vandag gespeel het. Julle het die koue lywe van die ondersteuners wat daar was met warm harte die pad terug na  Pretoria toe laat vat.

Louritz se 2 driee plaas hom 10e op die lys van driee gedruk vir die Witbulle.(2015 en 2016 tot op datum). Kyk hier vir die vergelykende statistiek.

Vir die 2016 statistiek tot op datum kyk hier.

PLAASVERVANGERS
Geluk aan Divhan du Preez wat op kom in die plek van Desesde Nel en sodoende die eerste keer vir die Witbulle speel. Divhan is die 27ste speler wat die seisoen vir die 1e span speel.

PUNTE:

AFFIES - 61 (28)
Driee - Louritz vd Schyff (2x), Carel Koch (2x), Marnus Potgieter, Schalk Erasmus, Christian Strydom, Phillip Krause en Ruben Meiring.
Skoppe - Ruan de Swardt 8 uit 9 vervyfskoppe.

KES - 7 (7)

ANDER TELLINGS OP DIE A - VELD
5e wen 48 - 0
4e wen 45 - 7
3e wen 21 - 7
o/16A wen 20 - 3
2e wen 25 - 3
*********************************************************************************************