AFFIES VS HELPMEKAAR 6 APRIL 2019

Dit was die 62ste keer dat die twee skole teen mekaar speel sedert 1929. Gelukkig het die weer saam gespeel en het die vorige dag se reen slegs 'n impak gehad op die eerste twee wedstryde op die A veld.
Met die eerste twee wedstryde wat welverdiend deur Helpmekar gewen is en Affies wat met die o/16A en 2e span wedstryde die bordjies verhang het.het die fokus verskuif na die hoofwedstryd wat sou bepaal wie met die louere sou wegloop op die A veld.

Daar is groot gewag gemaak van die eerste span wedstryd met Helpmekaar wat deur die meeste "kenners"  as die gunstelinge beskou is om aan die wenkant te wees.

Dit is nou geskiedenis dat Affies die wedstryd met 52 - 17 gewen het, met die tweede grootste punte verskil van alle tye naamlik, 35 punte. Die grootse is 2016 met  46 punte toe die telling 58 - 12 was. 

SPAN
 1. Ruben Windell
 2. Jacques-Lois du Toit (kapt)
 3. Werner Kruger
 4. Christian Kamffer
 5. Adolph Visser
 6. MJ Janse van Rensburg
 7. Willie Potgieter
 8. George Oosthuysen
 9. Michael van Aswegen
 10. Terblanche van Lill
 11. Christiaan du Toit
 12. Johan du Toit
 13. Gerrard Botha
 14. Kyle Liebenberg
 15. Dieter Crafford

Geluk aan Jacques-Lois du Toit wat aangewys is as kaptein vir 2019. Hy is kaptein no. 103. Vir lys van kapteins sedert 1921 kyk hier

WEDSTRYD
Soos ons al die seisoen gewoond geraak het was Affies na 'n verdoelde drie en strafskop deur Helpmekaar met  0 - 10 agter. Helpmekaar se losskakel het die wind wat in hulle guns was in die 1e helfte effektief gebruik om Affies vasgepen te hou in hulle eie gebied. Helpmekaar se eerste drie was 'n onderskep drie en kon net sowel 7 punte vir Affies gewees het. Affies antwoord met drie verdoelde driee om halftyd met 21 - 10 voor te loop. 

In die tweede helfte sukkel Affies aanvanklik om die wind tot hulle voordeel te gebruik. Instede daarvan word die bal gedra vanuit ons eie gebied deur voor en agterspelers wat aanleiding gee tot 5 driee in die tweede helfte wat lank onthou sal word. Veral die laaste een deur Johan Muller! Ek is bekend dat ek nie hou van rolmaal driee deur voorspelers nie. Daarom is dit lekker om te noem dat nie een van die Affie driee die direkte gevolg was van 'n rolmaal beweging nie. 

Wat was die verskil? Affies het die een aanslag na die ander van Helpmekaar gestuit met rotsvaste verdediging met Affies se "Scramble defence" wat uitstaande was. Affies het nie geskroom om die bal die werk te laat doen nie en moes Helpmekaar spreekwoordelik bont staan om al die gate toe te stop.

Alle aspekte van Affies se spel was nie noodwendig perfek gewees nie maar daar sal met ander oe gekyk word na die Affie eerste span van 2019??

Geluk aan die spelers en afigters met 'n welverdiende oorwinning wat hopelik 'n positiewe impak sal he op die res van die 2019 seisoen.

"Affie guts" het soos so baie kere in die verlede geseevier!!!

Plaasvervangers gebruik was: Beorn Graham, Johan Muller, Brendhan Kelbrick, Reinhardt Ludwig.

Soos mens al gewoond geraak het is daar beserings met FC Potgieter en Bjorn v Wyk,  wat weer binnekort reg sal wees, Philip Blignaut (vandag beseer in 2e span wedstryd) en Johan Lategan wat uit is vir die res van die seisoen.

Vir 2019 1e span statistiek kyk hier.

PUNTE:

AHS 52 (21)

Driee: Ruben Windell, Kyle Liebenberg 2x, George Oosthuysen, Willie Potgieter, Dieter Crafford, Michael v Aswegen en Johan Muller.

Skoppe: Dieter Crafford - 6 x doelskoppe.

HELPMEKAAR - 17 (10)