AGTERGROND/GESKIEDENIS
Dit was die 6 keer dat die twee skole teen mekaar speel. Die eerste 4 keer in die 90's as deel van die NTvl A liga. Die 5e keer (2010) in die BB skoleproewe op Zwartkop Hoërskool se veld. Vir details van vorige wedstryde se tellings kyk hier.
Op 'n tegniese punt kan geredeneer word dat die 6e wedstryd (gister) op Affies se velde moes gewees het want die laaste wedstryd in 1996 was op Garsfontein se veld met die Zwartkop wedstryd op 'n neutrale veld!
Hoekom so lank terug teen mekaar gespeel?
1. Affies en Waterkloof neem die laaste keer in 1996 amptelik aan die N.Tvl liga deel. Sekere skole in Pretoria was nie meer bereid om teen die 2 skole te speel nie. In die periode 1997 tot 2006 het Affies en Waterkloof teen mekaar gespeel in ‘n sogenaamde liga wedstryd en albei spanne het dan in die kwart en later die halfeind rondte van die BB liga begin deelneem aan die Beeld reeks. Dit het tot gevolg dat die twee skole ander teenstanders moes kry om teen te speel, wat albei wel gedoen het.
2. Aan die einde van 2006 besluit Affies om nie meer aan die Michelin en Beeld Trofee deel te neem nie.
3. In 2007 besluit al die Blou Bulle skole buiten Waterkloof om nie aan die Beeld Trofee deel te neem nie. Dit is ook die geval in 2008, 2009 en 2010. In hierdie tyd neem Waterkloof en Eldoraigne steeds deel aan die Beeld Trofee. Buiten Affies keer al die Blou Bulle skole terug na die Beeld Trofee reeks in 2011.
4. Affies het in hierdie tyd van “isolasie” sedert 1996 ‘n redelike vaste program van skole wat hulle teen speel opgebou wat wyd versprei was oor die land. Meeste van die teenstanders sedert 1996 het ook ‘n groot hoeveelheid spanne gehad om teen te speel.
Wat daarna gebeur het is wat die meeste ondersteuners kan onthou en het ek nie veel meer by te voeg as om stellings aan te haal soos ek hoor dit, ens. en wat nie in die media gepubliseer is nie.
Die ys is gebreek en die twee skole sal in die jare wat kom nog heelwat teen mekaar speel voor dit gesien sal word as ‘n Pretoria Derby.
9 APRIL 2022
AFFIES SPAN
15. JL VAN RENSBURG
14. STEPHAN BRITS
13. TIAAN DE WET
12. HEINRICH HORN
11. MARX NEL
10. STEHAN HEYMANS (K)
9. ARMAND SHAHIA
8. BEYERS ROOS
7. CF DELPORT
6. EWAN VAN HEERDEN
5. ANDREAS BURGER
4. ANTON GROTIUS
3. ZACK MARITZ
2. HANRO VENTER
1. STEYN TRUTER
- Geluk aan Stephan Brits wat die eerste keer die Wittrui aantrek en ook in die beginspan was.
Die volgende reserwes het opgekom as plaasvervangers:
- Luchan Mouton in Steyn Truter se plek wat beseer is en Dieter Schubert wat die eerste keer die Wittrui aantrek..
BESERINGS
- Risima Sambo, Gustav Maritz en Steyn Truter.
WEDSTRYD
Die wedstryd het aan alle verwagtings voldoen en was daar 'n gepakte pawiljoen met toeskouers aan beide kante agter die pale. Vir die wat nie daar was nie het ek 'n foto geneem van die toeskouers wat hieronder verskyn.
Garsfontein is as die gunstelinge beskou in die media en persone wat ek voor die wedstryd mee gesels het. Met 'n halftyd telling van 7 - 20 in Garsfontein se guns sou dit geregverdig gewees het.
Affies het egter in die 2e helfte die bordjies verhang en druk nog 2 driee om die 2e helfte met 12 - 0 te wen. Affies druk in totaal 3 driee teenoor Garsfontein se 2!!
Dit was 'n klipharde wedstryd, met nie een van die twee spanne wat bes wou gee nie. Met baie "Asse" kon enige van die twee spanne gewen het. Die ou spreekwoord geld nog steeds "Looks at the scoreboard"!!
Geluk Garsfontein ons sien uit na 2023!!!
PUNTE:
AHS: 19(7)
Driee: JL van Rensburg, Hanro Venter en Marx Nel.
Skoppe: Stehan Heymans 2 x doelskoppe.
GARSFONTEIN: 20(20)
1e Span seisoen opsomming kyk hier!
Tellings van ander spanne kyk hier!
RSS Feed