AFFIES VS BOLAND LANDBOU - DIE WEDSTRYD

4/27/2018

Dit was die 5e keer wat die twee skole teen mekaar speel sedert 2000. Die laaste keer was met die 2009 Wildeklawer. Vir historiese tellings kyk hier.

Lees meer oor die uitdrukking "Affie Guts" aan die einde van die skrywe.

SPAN
15. Dieter Crafford
14. Jason Scheepers
13. Stephin Alberts
12. Dian Nordier
11. Eric Sherman
10. Regardt Roets (kapt)
9. Steyn vd Spuy
8. Jan Dagutat
7. Adolph Visser
6. David Jacobsz
5. Christian Kamffer
4. Zandher Schmidt
3. Sarel Joubert
2. Janco Uys
1. Dewald Donald

RESERWES:
Jacques-Louis du Toit(Adolph Visser), George Oosthuizen (David Jacobsz), Michael van Aswegen (Steyn van der Spuy)

WEDSTRYD:
Heelparty Affie ondersteuners was dalk bly dat hulle nie die wedstryd lewendig kon sien nie omdat Affies nie die gunsteling was om te wen en ook nog nie die wereld aan die brand gespeel het vanjaar nie.

Ek kon egter nie gou genoeg al my statistiek op datum kry om my opgewondenheid na wat ek op twitter, websports en wapp ervaar het met ander te deel nie.

My informant het die volgende genoem na die wedstryd.
- Een van die best wedstryde wat ek Affies in 'n langtyd sien speel het.
- Ek wens die ondersteuners kon die beweging sien wat gelei het tot George
Oosthuizen se drie.
- Affies was rotsvas op verdediging.

Affies het nie net 2 vasskoppe gehaak nie maar ook 3 van BL se lynstane gewen!!!

Baie geluk aan Stephin Alberts wat aangewys is as die speler van die wedstryd.

Baie geluk aan die afrigters, spelers en hulle ondersteuningspan vir 'n skitterende oorwinning of in gewone Afrikaans 'n moerse oorwinning!!!

PUNTE:

AHS - 38 (19)

Driee: Dieter Crafford, Dewald Donald, Janco Uys, George Oosthuyzen, Stephin Alberts, Jason Scheepers.
Skoppe: Regardt Roets 4x doelskoppe

BOLAND LANDBOU -14 (14)

Affie Guts in die oortreffende trap!!

Ek het vandag per toeval opgelees oor die ontstaan van die woorde "Affie Guts". Hier volg 'n aanhaling uit die Manuskrip oor AHS se geskiedenis.

Dit was 'n opvatting wat net al hoe sterker ingeburger geraak het dat 'n Affie nooit bes gee nie. "Affie guts" het aanvanklik uit die vermoë van die eerste rugbyspan gespruit om die uitslag van wedstryde tot in die laaste sekonde te beredder en die ongeëwenaarde sukses wat deur "Affie guts" in vele botsings en eindstryde verwesenlik is, het slegs gedien om hierdie legende sterker in die skool se tradisie te laat figureer.
Dit is spoedig in wyer en algemene terme aangewend om die kannie-dood benadering van enige Affie leerling onder alle omstandighede te omskryf. Die seuns het reeds baie vroeg in hul skoolloopbaan onder die indruk gekom van die tradisieryke skool waarvan hulle die voorreg gehad het om deel van te wees.
Hierdie besef het tegelykertyd 'n emosie van trots en vasberadenheid om deel van dié tradisie te wees en dit te help uitbou in hulle ontketen. Indien hulle dit nie self deur eie deelname kon help verwesenlik nie, kon hulle hul deel as ondersteuners en aanmoedigers doen. "Affie" en "Affie guts" het deel van die tradisie van die skool geword en word met trots en toegewyding uitgeleef sedert die uitdrukking in 1972 vir die eerste keer gebruik is.

*********************************************************