EERSTE OUD AFFIE WAT PROVINSIAAL RUGBY SPEEL
Van tyd tot tyd land daar video’s in die AHS Argief met geen aanduiding wat daarop is.
In November 2018 kom ek op ʼn video af in die AHS Argief sonder enige aanduiding wat daarop is. Ek kyk toe na die video op ‘n VHS speler. Dit is ʼn onderhoud met ʼn ouerige persoon wat heel waarskynlik ʼn Oud Affie is. Ek erken nie die stem van die persoon wat die vrae vra en wat nooit gewys word in die video.
Ek sit regop halfpad deur die onderhoud toe die persoon noem dat hy vir die volgende spanne heelagter gespeel het:
In November 2018 kom ek op ʼn video af in die AHS Argief sonder enige aanduiding wat daarop is. Ek kyk toe na die video op ‘n VHS speler. Dit is ʼn onderhoud met ʼn ouerige persoon wat heel waarskynlik ʼn Oud Affie is. Ek erken nie die stem van die persoon wat die vrae vra en wat nooit gewys word in die video.
Ek sit regop halfpad deur die onderhoud toe die persoon noem dat hy vir die volgende spanne heelagter gespeel het:
- Affies se 1e span in 1932 en 33. Hy noem ook die Affie 1e span afrigters van 1932 en 33 naamlik Mnre. Naude en Geldenhuys
- NTvl o/19 Subunie, Diggers en Pretoria rugbyklub.
- Grens in 1940 en 41.
Ek besluit toe om te kyk op die Oud Affie databasis vir ʼn familie verbintenis van J van der Veen wat links in die voorste ry op sy, sy lê. Daar is toe ʼn hele paar Van der Veens op die databasis. Ek skat toe dat Herman vd Veen van 1964 heel moontlik sy seun kon gewees het. Ek skakel toe vir Herman en “Bingo” dit is sy Oom John wat in die 30’s aan Affies gematrikuleer het. Herman noem ook dat sy Pa en drie broers almal op Affies gematrikuleer het.
Herman (1964) het kontak met John se dogter en seun Hans. Binne 24 uur het ek bevestiging dat John vir Grens gespeel het en dat Hans ‘n Grens spanfoto het wat in 1941 teen OP gespeel het.
Hans bevestig dat hy die onderhoud met sy Pa gedoen het in 2005 op versoek van Dr Edwards. Sy Pa was toe 90 jaar oud. Nie 100% bevestig nie maar John was toe of die Oudste lewende Oud Affie of oudste Oud Affie 1e span speler?
Drie van die vier broers het vir die 1e span van Affies gespeel naamlik:John vd Veen (32,33), Wilhelm vd Veen (35,36), Leslie vd Veen (37,38) en Herman die oudste van die vier het in 1931 aan AHS gematrikuleer.
Drie van die vier broers het vir die 1e span van Affies gespeel naamlik:John vd Veen (32,33), Wilhelm vd Veen (35,36), Leslie vd Veen (37,38) en Herman die oudste van die vier het in 1931 aan AHS gematrikuleer.
Met my navrae oor John vd Veen vertel sy seun Hans die volgende oor hulle verbintenis met die Kango Grotte.
Die Van der Veen familie het die plaas Grootkraal besit waarop die Kango Grotte is en het dit tot in die 1950's op 'n 50:50 winsdeling basis met die regering bedryf voordat die Oudtshoorn Munisipaliteit dit oorgeneem het.
Die oorspronklike plaas Grootkraal het in 1868 in die besit van die Van der Veen-familie gekom. Die oorspronklike plaas is later verdeel en die bekende kuierplaas en familie restaurant Wilgewandel is op ’n deel van die oorspronklike plaas geleë.
Hans van der Veen sê sy pa en oupa het dikwels vertel hoe hulle as kinders mense in die Kango Grotte ingeneem en die rol van gidse vertolk het. Dit was die dae voordat die Grotte as toerisme-attraksie ontwikkel is en mense met die hulp van kerse, fakkels, magnesiumlint en toue die Grotte ingeneem is. Hulle het selfs soms in die Grotte oornag.
Johan Snyman
2019
