GH of George (Pa van die Wilsenach’s wat hierna volg) was een van die eerste onderwysers op AHS. Omdat daar nie genoeg senior rugbyspelers was nie het George die Hoof (Pa le Roux) en ’n paar ander onderwysers vir die 1e span rugby gespeel. George speel vir die 1e span in 1921 en 1922.
HENDRIK
Die eerste seun is ouboet Hendrik wat in 1940 aan AHS matrikuleer. Hendrik is een van die slotte van die 1e span in 1940 wat die die eerste keer die Admin. Beker wen.
ROUX
Roux was meer ‘n student as rugbyspeler en het nie verder as die 2e span gespeel nie.
GEORGE
George matrikuleer in 1950 aan AHS en speel vir die 1e rugbyspan wat in die NTvl finaal van die Adminbeker teen HTSM verloor, 8-9.
HANS
Hans speel in 1951 en 1952 vir die eerste span.
Louis skryf ” Wat lekker is van Hans se storie, is dat daardie witbul trui van Affies, op ons kombuistafel gemaak was! My ma het rooi, geel en groen linte gevat en aanmekaar gestik op George se o/19 Oostelikes wit trui! Die volgende dag het die ouens ‘n paar verskillende trui ontwerpe gemodeleer, daar was ‘n groentrui ook onthou Louis, die witte het gewen” . Hans het ‘n hele paar jaar gelede voor hy oorlede is ‘n amper soortgelyke storie oor die ontwerp van die trui aan my vertel. Die kort van die lank is dat die wittrui sy ontstaan gehad het op die kombuistafel van die Wilsenach’s!!!
Vir die geskiedenis van die Affies 1e span trui, ens. klik hier.
MAGRIET
Magriet was natuurlik op AHM en matrikuleer daar in 1956.
LOUIS
Toe was dit die laatlam Louis se beurt. Louis matrikuleer in 1958 aan AHS. Hy was mal oor rugby maar maller oor kuns. Toe ou Soppies(Mnr Boshua) hoor hy is nog ‘n Wilsenach wou hy Louis sommer in standerd nege in die 1e span sit! Dit het die ander ouens erg befoeter en hulle het hom behoorlik uit die oefenspan geboender! Getekkel en gedrop! Louis het toe al smiddae by ‘n keramiekfabriek gewerk en sy kuns was sy eerstespan.
Louis se bydrae sal kom in terme van die “Nuwe Suid Afrika”. Ek haal die volgende aan deur FW De Klerk wat in Louis se boek ’n lewe in ink & verf wat in 2011 gepubliseer is verskyn:
“Die eer van die konsep van ‘n ‘Nuwe Suid Afrika’ kom Louis Wilsenach toe. Dit weergalm selfs nou nog in 2011”.
Daar is net twee families waar ‘n pa en drie seuns vir Affies se 1e span gespeel het:
Wilsenach George 1921,22
Wilsenach Hendrik 1940
Wilsenach George 1950
Wilsenach Johannes 1951,52
Pretorius Jan 1958,59
Pretorius Gert 1987
Pretorius Jan Lodewyk 1989
Pretorius John Louis 1990,81
Vir ander Pa's en seuns wat vir die 1e span gespeel het klik hier.
**********************************************************************************************
WILSENACH GEORGE