1968 - Piet Delport (Std 8) word gekies om sy 1e wedstryd vir die 1e span teen Grey College te speel. Hy speel in die oggend vir die 1e Tennis span teen Grey en in die middag speel hy vir die 1e Rugby span teen Grey!!!!!

Vir meer HET JY GEWEET lees hier.

Met die Beeld trofee finale Saterdag en die “Affie deelname “ in 2014  het ek die volgende saamgestel wat betref die geskiedenis van die kompetisie en die huidige stand van die kompetisie. Historiese inligting is hoofsaaklik uit die boek  SKOLERUGBYSAGE Noord van die Vaal 1920 - 2000 verkry.

GESKIEDENIS

Die kompetisie het ontstaan in 1920 en die eerste wenner van die trofee was Ermelo Hoërskool wat Heidelberg Volkskool wen met ‘n telling van 3 – 0. Ermelo sal eers 80 jaar later in 2000 die beker vir ‘n  2e keer wen.

Die kompetisie het onder verskeie name plaasgevind en dit het bekend gestaan as:

1920 tot 1921     - Interhoërskool Beker
1922 tot 1981     - Administrateurs Beker
1982 tot 1994     - Direkteurs Trofee
1995 tot 2013     - Beeld Trofee

Alhoewel die kompetisie sedert 1995  bekend staan as die Beeld Trofee word die Direkteurs Trofee gebruik tot 1998 en vanaf 1999 is daar n nuwe Beeld Trofee. Die Administrateurs beker is in besit van Pretoria Boys High wat die eerste span was wat dit 3 jaar namekaar gewen het. Die Direkteurs Trofee is in die besit van AHS wat dit 5 jaar agtermekaar gewen het vanaf 1994 – 1998.

Die kompetisie het sedert die ontstaan nog net een jaar naamlik 1950 nie plaasgevind nie agv ‘n polio epidemie. In 1982 word die kompetisie uitgebrei na 0/15A spanne en vanaf 1995 sluit dit ook 0/14A en 0/16A spanne in.

Alle skole ongeag die grote het vir dieselfde beker gespeel tot en met 1995. In 1996 is die kompetisie in twee kategorieë (groot en klein skole) opgedeel na gelang van die aantal kinders in die skool in die hoop dat deelnemers mekaar op meer gelyke voet die stryd sou aansê. In 2000 is die mediumskole-afdeling gestig en 'n vierde kategorie, vir makro-skole is in 2007 op die been gebring. Vanaf 2007 is daar 4 kategorieë naamlik Makro, Groot, Medium en Klein skole wat om die Beeld Trofee meeding.

Die vereistes is seunsgetalle:

            Makroskole: meer as 600 seuns in die skool.

            Grootskole: meer as 350 seuns maar minder as 600

            Mediumskole: meer as 175 seuns maar minder as 350

            Kleinskole: minder as 175 seuns in die skool

‘n Skool kan enige tyd “op” speel maar moet met spesiale vergunning aansoek doen om “af” of laer te speel.

Makro Skole wat deelneem is:

Blou Bulle A Groep - Waterkloof, Garsfontein, Eldoraigne en Menlopark
Blou Bulle B Groep - Centurion, HTS John Voster, Montana, Wonderboom en Zwartkops.
Pumas - Nelspruit, Middelburg en HTS Middelburg.
Leeus - Monument, Florida en Marais Viljoen.
Valke - EG Jansen en Kemptonpark.
Luiperds - Rustenburg. 
Limpopo - Nil

UITSLAE VAN FINALE

 Pretoria Boys High is die eerste span wat die Administrateurs Beker 3 jaar namekaar wen, 1922 – 1924. Zeerust (1933-1935) en Potch Volkskool (1949 – 1951)behaal dieselfde prestasie ‘n paar jaar later.

Vir die periode 1920 tot 1995, Groot skole 1996 tot 2006 en Makro skole 2007 tot 2012  het daar 49 verskillende skole aan die 92 finale wat gespeel is deelgeneem.

Die skole wat in die finaal vir drie of meer finale onoorwonne was tot en met 2012 is:

18 - Afrikaanse Hoër Seunskool
  8 - Volkskool Heidelberg
  7 - Volkskool Potchefstroom & Monument
  6 - Rustenburg
  5 - Waterkloof & Pretoria Boys High
  4 - Pietersburg
  3 - Klerksdorp, Zeerust, Helpmekaar Seunskool & Hugenote Seunskool

‘n Lys van die spanne wat aandui hoeveel wedstryde gespeel/gewen/gelykop en verloor is in ‘n finaal verskyn aan die einde van hierdie skrywe.

Meeste punte in ‘n finaal

66 – 1998 (AHS/Waterkloof)
63 – 2011 (Waterkloof/Florida)
58 – 2008 (Waterkloof/Kemptonpark)

Grootste punteverskil in ‘n finaal

21 – 1922 (Pretoria Boys High/Hoogenhout), 1936 (Rustenburg/Standerton)
20 – 1977 (Stofberg/HTS Tom Naude), 1998 (AHS/Waterkloof), 2000 (Ermelo/HTS John Vorster)
19 – 1942 (Klerksdorp/Middelburg), 2011 (Waterkloof/Florida)

Meeste punte in ‘n finaal deur ‘n speler

25 – 1994 (Dirkie Strydom – AHS)
23 – 1998 (Tiaan Snyman – AHS)

BLOU BULLE SKOLE SE DEELNAME AAN DIE KOMPETISIE

Pretoria Boys High het aan en af aan die kompetisie deelgeneem vanaf  1920 tot 1929 en weer vanaf 1979 tot 1985.

Affies neem nie deel aan die kompetisie in 1952 en ook nie vanaf 1962 tot 1968.

Affies en Waterkloof neem die laaste keer amptelik aan die N.Tvl liga deel in 1996 omdat sekere skole nie meer bereid was om teen die 2 skole te speel nie. In die periode 1997 tot 2006 het Affies en Waterkloof teen mekaar gespeel en albei spanne het dan in die kwart en later die halfeind rondte van die BB liga begin deelneem aan die reeks. Dit het heeltemal verander met die instelling van die Makro skole kompetisie.

In 2007 besluit al die Blou Bulle skole buiten Waterkloof om nie aan die kompetisie deel te neem nie. Dit is ook die geval in 2008, 2009 en 2010 met Waterkloof en Eldoraigne wat steeds aan die kompetisie deelneem.  Buiten Affies keer al die Blou Bulle skole terug na die Beeld Trofee reeks in 2011. Dit is nou die 7e jaar sedert 2006 wat Affies nie aan die Beeld Trofee reeks deelneem nie.

Opmaak van Blou Bul skole wat aan die Beeld Trofee deelneem:
Makroskole:   9
Grootskole:  7
Mediumskole:   9
Kleinskole:   13

‘n Totaal van 38 skole uit 46 wat Beeld Trofee speel.

DEELNAME AAN BEELD TROFEE

Daar sal altyd verskillende opinies wees oor die voor en nadele van ‘n reeks soos die Beeld Trofee.

Affies se besluit om net aan die Blou Bul been van die kompetisie deel te neem vanaf 2014 gaan verseker vuurwarm besprekings tot gevolg hê.

Hopelik is ‘n bekende speler verkeerd aangehaal met die afskop van die Beeld Trofee ‘n paar jaar gelede naamlik “ Met so ‘n kompetisie word spelers geleer wat dit is om te wen en verloor”. Nodeloos om te sê daar was dadelik die vraag gevra beteken dit dat alle ander wedstryde wat op skoolvlak gespeel word, gespeel word om gelykop te eindig?

Daar is geen soortgelyke reeks in enige van die ander tradisionele provinsies soos Natal, Vrystaat en Kaap nie. Daar is ook geen aanduiding in resultate van Craven  week spanne en ranglyste dat sodanige kompetisie die Noord van die Vaal Skole noodwendig beter maak as die res van die land nie. Wat die Beeld Trofee tot gevolg het is dat in die 3e kwartaal rugby slegs gefokus is op die A en 1e spanne en kom die seisoen vir die ander spanne tot  ‘n einde in Junie. In die Kaap eindig die seisoen vir die jaar ongeveer die middel van Augustus en dit sluit alle spanne in.

SATERDAG SE  FINAAL

Dit sal Kemptonpark se 5e keer wees wat hulle aan die finaal deelneem met 2 gewen (2012 & 1989) en 2 verloor (2008 & 1993). EG Jansen speel in hulle 2e finaal met 1 verloor in 2004. Dit sal die 1e keer wees dat 2 skole van die Valke in die finaal speel en die 2e keer dat 2 skole van een provinsie in die finaal speel. Die vorige keer was in 1998 met Affiies teen Waterkloof.

AFFIES SE DEELNAME AAN DIE REEKS

AHS is die suksesvolste skool sedert die ontstaan van die kompetisie in 1920. AHS het 21 keer in die finaal gespeel, 14 keer die beker gewen, 4 keer gelykop gespeel en 3 keer as naaswenners uit die stryd getree.  Vir tellings, opponente, ens. van die onderskeie jare lees hier. 

AHS verloor nie ’n finaal waarin die 1e Span speel sedert 1970 nie.

Verloor 5 wedstryde deur die jaar in 1994, 2004 en 2006 maar wen die  Finaal

Affies is die eerst skool wat 6 jaar na mekaar onoorwonne is in die finaal – 1995 tot 1999.

In 2006 is dit die eerste keer sedert die instelling van die Beeld Trofee in 1994 dat ’n skool 4 spanne in die Beeld Trofee finaal het. In 2006 word AHS die eerste naaswenner van ’n streek wat die finaal van die Beeld Trofee wen.

Die volgende Affie spelers het in drie finale gespeel en was elke keer aan die wenkant:

Eugene Marx 1994 – 1996, Werner Pieterse 1997 – 1999 en Nicol Knoetze 1997 – 1999.

LYS VAN SKOLE IN FINAAL

Met die Beeld Trofee kompetisie wat besig is om einde se kant toe te staan gaan ek volgende week op die Blog skryf oor:
1. Die Geskiedenis en wenners tot op datum.
2. Affies se deelname of dan nie deelname.

As jy in' n 1e span Administrateurs of  Beeld Trofee finaal gespeel het in die periode 1920 - 2000 en jy wil dit weer herleef of as jy net belangstel in skole rugby kan ek die boek "SKOLERUGBYSAGE NOORD VAN DIE VAAL" aanbeveel. Dit bevat heelwat statistiek, foto's van die spanne wat aan elke finaal deelgeneem het en kommentaar van spelers wat in die finaal gespeel het waar moontlik. 

Die boek is beskikbaar teen R200 by Media 24. Kontak Cornette Zietsman by (011) 713 9094 of  epos cornette.zietsman@media24.com.

Vir ‘n opsomming van die 2013 seisoen klik hier.

Aan die einde van elke seisoen word daar altyd gevra hoe vergelyk die span met die spanne van vorige jare. Vir algemene vergelykings per wedstryd, seisoen en in die wittrui klik hier.
Die uitstaande kenmerk van die 2013 span is dat die span elke wedstryd gewen het. Die spanne van 1996 en 2001 was onoorwonne maar elkeen het ‘n wedstryd gelykop gespeel. Op hierdie punt kan geargumenteer word dat met meer wedstryde gespeel die kanse groter is dat 'n span kan verloor of gelykop speel.

1996 Staan bekend as die beste span wat Affies nog opgelewer het. Daar is heelwat spanne wat gepresteer het oor die jare  naamlik 1940, 1944, 1950, 1957, 1959, 1960, 1961, 1970, 1978, 1984, 1985, 1991, 1997, 2002, 2011 en 2012. Daar is egter net 3 spanne wat ‘n seisoen onoorwonne afgesluit het naamlik 1996, 2001 en 2013.

Hieronder is 'n analise van die 3 spanne wat onoorwonne was. Dit is ‘n direkte vergelyking en mag dalk te simplisties wees. Hoe dit ookal sy daar sal altyd argumente wees soos wat daar is met die 2013 ranglyste van 1e spanne. Die ranglys posisie van Affies vir 2013 is huidiglik nog onseker ten spyte daarvan dat Affies die enigste eerste span in die top 20 is wat geen wedstryd verloor of gelykop gespeel het nie. 

Saam met die algemene statistiek kan elke  Affie ondersteuner, speler en ouer self besluit wie hulle sien as die beste span sedert 1921? 

Fotos van Wim Pretorius op die Gallery.

Ander spanne uitslae lees hier.

SPAN

15.Keyter Eduan
14.Schmullian Tiaan
13.Linde Jurie
12.Orffer Philip
11.Van Wyk Thys
10.Venter Dawie
9.Van Zyl Ivan(K)
8.Slabbert Jeandre
7.Allison Calvonn
6.Bezuidenhout Derik
5.Snyman RG
4.Vreken Hanrich
3.Eloff WP
2.Venter Louis
1.Du Plessis DP

WEDSTRYD

Ander spanne se uitslae.
0/14A - Affies wen 55 - 0
0/15A - Affies wen 41 - 7
0/16A - Affies wen 19 - 10
2e - Affies wen 44 - 22

Die laaste wedstryd van die seisoen is heel van pas die jaarlikse "derby" gewees teen  Boys High. Alhoewel ek nie die wedstryd kon bywoon nie was dit soos altyd spesiaal en moes die spanning veral in die1e helfte ondraaglik gewees het. 
Affies loop vroeg voor na 'n drie deur Jurie. Boys High maak dit gelykop  met 'n drie  en die telling bly 5 elk tot en met halftyd. Boys High het in die 1e helfte in Affies se helfte van die veld geboer en met ongeveer 4 strafskoppe misluk. Ja, ja alhoewel dit 12 punte is, is dit net die 1e een wat tel as mis. Hoekom? As dit oor was sou die res van die wedstryd heeltemal anders gewees het want dan sou die afskop van die middellyn gewees het en nie die kwartlyn nie!

Kort na halftyd begin Eduan met die bal hardloop vanuit Affies se kwartgebied wat uitloop op 'n drie vir RG. Daarna druk Affies met reelmaat nog sewe driee met die laaste een deur WP Eloff om die telling 50 - 12 te maak.

RG wat 'n uitstaande wedstryd gehad het kry 'n geelkaart in die 2e helfte.


Die punte verskil in 2013 naamlik 38 is die 4e grootste naas 1996/1998(49) en 2011(44).

Die 1e span van 2013 word die eerste, Affie 1e span wat al hulle wedstryde wen. 1996 en 2001 Was onoorwonne maar het elkeen een wedstryd gelykop gespeel. Ek plaas later op die Blog 'n vergelyking van al die top 1e spanne wat Affies nog opgelewer het. 


PUNTEMAKERS

AFFIES: 50 (5)

Driee: Jurie Linde (2), RG Snyman (1), Tiaan Schmulian (1), Jeandre Slabbert (1), Thys van Wyk (1) en WP Eloff (1)


Skoppe: Doelskoppe - Ivan van Zyl (5)


PRETORIA BOYS HIGH: 12(5)



AGTERGROND

Saterdag is die 110 de wedstryd teen Pretoria Boys High. Sedert 1923 is daar buiten 1944 (2e Wereld Oorlog) en 1957 (Griep epidemie) nog elke jaar en party jare meer as een keer teen mekaar gespeel. In 2005 speel die twee skole die 100ste keer teen mekaar. 
Boys High lewer 3 Springbokke op naamlik Robbie Brink (1995), John Smit (2000 – 2011) en Chilliboy Ralepele (2006 – 2013).

Wat min mense weet is dat Boys High in die begin jare van die Admin. Beker (nou die Beeld Trofee) dit oorheers het en dit 4 keer gewen het vanaf 1920 - 1928. Boys High neem nie deel aan die kompetisie vanaf 1929  tot en met 1978 nie. Vanaf ongeveer 1985 het hulle nog nie weer aan die kompetisie deelgeneem nie. 

WEDSTRYDE GESPEEL

Die wedstryd tellings oor die jare plus statistieke soos die grootste wen telling van elke skool kan gesien word deur hier te klik. Opsomming van die wedstryde gespeel sedert 1923 is as volg:

Gespeel  – 109
Wen         –   59
Verloor    –   41
Gelykop   –     9

In 1991 draai die skaal van die hoeveelheid wedstryde gewen teenoor verloor die eerste keer positief vir Affies met 39 en Boys High 38 wedstryde gewen. Boys High wen eers weer in die periode 2000 – 2009,  3 wedstryde wat hulle totaal opstoot na 41. Die wedstryde gewen opgebreek in dekades is as volg:

TUISVELD VOORDEEL

Wedstryde teen Boys High op hulle tuisveld is nooit maklik nie en is altyd 50/50. Die statistiek oor die jare bevestig dit en ‘n voorbeeld daarvan is 1998 toe Affies tuis met  49 – 0 wen en later die jaar gelukkig is om met 21 elk gelykop te speel op Boys High se veld.
Wedstryde gewen op Boys High se veld sedert 1923:

• AHS – 53%
  
• PBHS  - 47%
  

2013 SEISOEN

Die wedstryd statistiek vir die 2 spanne tot op datum is in die tabel hieronder.