AFFIES VS JEPPE - 30 MEI 2015

Opgedateer met 'n wedstryd verslag en statistiek.


AGTERGROND:

Jeppe het ontstaan in 1890. Vier jaar nadat goud ontdek is aan die Witwatersrand en daar ‘n groot behoefte was vir skoolonderrig in die myngemeenskap. Die Anglikaanse Kerk het die skool begin wat bekend gestaan het as St Michaels College.

Die skoolgebou is gekoop deur die “Witwatersrand Council of Education” in 1898 en die skool kry ‘n nuwe naam – Jeppestown Grammar School. Die skool was gesluit gedurende die Anglo Boere Oorlog. In 1902 her-open die skool en verander die naam na Jeppestown Grammar School. Dit word ‘n Staatsskool onder die Britse regering en die naam verander na Jeppestown School for Boys and Girls in 1903.

Die huidige skoolgebou is in 1909 voltooi op grond wat deur Julius Jeppe geskenk is. In 1919 word die meisieskool gebou nie te ver van die huidige en die naam verander toe finaal na Jeppe High School for Boys. Daar is meer as een koshuis en die oudste koshuis is in 1912 voltooi.

Buiten die sportbande met Jeppe is daar ook op onderwysvlak 'n verbintenis. Con  Purchase een van Jeppe se Adjunk Hoofde is 'n Oud Affie en het ook skoolgehou en rugby en krieket afgerig op Affies in die 90's.

Jeppe het drie Springbokke opgelewer naamlik Des Sinclair, Wilf Rosenberg en James Dalton. Die bekendste rugby persoonlikheid en ook oudleerling van Jeppe is Jake White.

Jeppe het 5 spelers gehad in die Leeus se A span wat Dinsdagaand teen die Blou Bulle A span gespeel het. Jeppe het 2 wedstryde verloor (Paul Roos  en Nelspruit) uit 12 in 2015. Jeppe is huidiglik 16e op die top 20 ranglys.

Affies speel vir die eerste keer teen Jeppe in 1996. Saterdag sal die 10e keer wees wat die 2 skole teen mekaar speel. Daar word met 20 spanne Saterdag teen mekaar gespeel.

Vir  die detail tellings sedert 1996 klik hier.

SPAN:
1. Jano Espag
2. Schalk Erasmus
3. Cabous Eloff
4. Ruben van Heerden
5. Henk Pretorius
6. Regardt du Plessis
7. Phillip Krause
8. Eduan Lubbe (kapt)
9. Divan Henning
10. Ruan De Swardt
11. Christian Strydom
12. Louritz van der Schyff
13. Henco Jordaan
14. Carel Koch
15. Pieter Coetzer

Eddie Fouche nog steeds beseer en Niell Bezuidenhout is nie oorweeg agv 'n enkel besering.

WEDSTRYD:
Met Jeppe wat slegs 2 wedstryde sover verloor het en 16e op die jongste ranglys is het daar 'n taai wedstryd vir Affies gewag.

Sommer in die eerste minuut was Affies 3 - 0 agter, op 'n stadium 9 - 7 agter en toe 14 elk kort voor rustyd. Louritz druk 'n drie onder die pale en halftyd is Affies spreekwoordelik net, net voor.
Jeppe se skopper het in die eerste helfte amper geslaag met 'n strafskop vanaf ongeveer 15 tree binne Jeppe se halfgebied. Dit het gevaarligte laat flikker. Strafskoppe moes tot 'n minimum beperk word en veral binne trefafstand van Jeppe se skopper soos die geval was met 3 strafskoppe vir Jeppe in die 1e helfte.

Ten spyte van 'n onderskep drie in die tweede helfte en nog 'n drie laat in die 2e helfte deur Jeppe speel die Witbulle soos 'n goed geoliede masjien in die 2e helfte en druk nog 7 driee. Ruan De Swart vervyf 8 van die 9 driee wat Affies druk!!!

In die tweede helfte het die Witbulle totale rugby gespeel waarop Jeppe geen antwoord gehad het nie!! Dit was 'n plesier om dit te aanskou!

Vir die 1e span statsitiek tot op datum kyk hier. 
 
RESERWES:
Jacobus van Staden ( Louritz van der Schyff)

PUNTEMAKERS:

AFFIES: 64 (21)

Driee: Louritz vd Schyff (3x), Ruben van Heerden, Pieter Coetzer, Divan Henning,
            Christian Strydom, Regardt du Plessis, Carel Koch.
Skoppe: Ruan De Swardt- 8x Vervyfskoppe, 1x Strafskop.

JEPPE: 26 (14)


TELLINGS VAN ANDER SPANNE OP DIE A - VELD:
o/14A - Verloor 18/24
o/15A - Wen 31/7
o/16A - Wen 43/8
4e - Wen 24/0
3e - Wen 46/0
2e - Wen 36/14