5 in 'n ry en HTS Middelburg

HTS Middelburg se Rooi Bulle het vierkantig in die pad gestaan van Affies en sukses in die Direkteurstrofee / Beeldtrofee kompetisie vanaf 1994 tot 1998.

In 1994 se kwarteindstryd verg dit 'n 2de helfte terugvegpoging  deur Deon Strydom en sy span om die Rooi Bulle uiteindelik 33 - 21 te klop.

In 1995 se finaal word die louere gedeel, 24 elk. Dit nadat die vriendskaplike wedstryd vroeër in die jaar tussen die twee spanne ook gelykop geëindig het, 17 elk.

1996 se drie reg aan die einde van die wedstryd deur Ernst Blom, verseker 'n 24 - 15 oorwinning vir Affies in die finaal en sluit hierdie 1ste span die jaar onoorwonne af teen Suid-Afrikaanse skole.

In die 1997 finaal met speeltyd so te sê verstreke, druk skrumskakel Robbie Janse van Rensburg die wendrie en wen Affies die wedstryd 18 - 13.

Die uitslag van 1998 se semi-finaal word in ekstra tyd beslis met 'n briljante individuele drie deur die senter Werner Pieterse. Eindtelling 27 - 20 in Affies se guns.

Videomateriaal van die drieë wat in die 1995, 1996, 1997 en 1998 wedstryde gedruk is verskyn hieronder. Die bekende internasionale skeidsregter, Andre Watson, het beide die 1995 en 1997 finale hanteer.

​Goeie herinneringe!
​

1995 Finaal, weg

1996 Finaal, tuis

1997 Finaal, weg

1998 Semi-finaal, weg

Lees ook meer oor van hierdie wedstryde by die volgende skakels: 
Wit Bulle "comebacks" en Drieë om te onthou.